M2T Agradece ba governo ho nia Parseiro WHO nebe apoio ba M2T hodi Partisipa iha WHO Global Summit on Traditional Medicine iha New Delhi - India

M2T produs  Medicina Tradisionál iha Timor-Leste

M2T hakarak informa mos ba komunidade no parseiru sira katak produtu medicina tradisionál no herbal M2T hetan apoiu no suportu husi Ministériu Saúde no World Health Organization (WHO), hodi reprezenta Asosiasaun Medicina Tradisionál Timor-Leste iha Second WHO Global Summit on Traditional Medicine, ne’ebé hala’o iha New Delhi, India, 17–19 Dezembru 2025.

Partisipasaun ida-ne’e iha objetivu atu kontribui ba esforsu globál hodi restora no hametin balansu iha dezenvolvimentu medicina tradisionál, nune’e mos promove kooperasaun, koñesimentu no inovasaun iha área medicina tradisionál no herbal.

Medicina traditional laos buat foun ida ba ita tamba antes medicina moderno iha ita nia biz avon sira utilija ona medicina traditional hodi kura no prevene moras oi oin ho maneira traditional. produto medicinal traditional normalmente mai husi ai horis no balada sira hanesan ai abut, ai kulit, ai tahan, duut, ai funan, ai nia musan, no mina husi balada sira.

iha WHO mos daudaun promove medicina traditional no diversifika meditional traditional ho metodo oioin hanesan liu husi peskija, analiza laboratorium, estudu ba sientifiku, utilizasaun teknologia moderno sira, no promove diak liu tan iha setor saude hodi halo balansu ka ekilibru (restorcing balance on traditional medicine) husi medicina traditional no moderno.

M2T fiar katak, liuhusi kolaborasaun entre Governu, setór privadu, SME, komunidade, organizasaun lokal no parseiru internasionál, ita bele  desenvolve diak liu tan ba materia prima sira nebe iha valor ekonomiku hodi desenvolve ba sustentabilidade ekonomia iha rai laran.

Hamutu ita promove, diversifika no dezenvolve produtu lokal ba benefísiu komunidade no dezenvolvimentu sustentável, iha nível lokal, nasionál no internasionál.

M2T sei kontinua kompromete atu promove no dezenvolve medicina tradisionál no produtu herbal lokal Timor-Leste, ho objetivu atu fó valor ba rekursu lokal, aumenta oportunidade ekonomia ba komunidade no SME sira, no kontribui ba saúde no bem-estar komunidade.

Obrigadu wain ba apoiu, konfiansa no kolaborasaun husi ita hotu.

M2T – Promove Medicina Tradisionál no Produtu Herbal Timor-Leste