Díli, 25 Setembru 2025 — Delegasaun husi Ministério da Saúde halo vizita ba edifisiu M2T iha Palapasu. Kegiatan ida-ne’e sai momentu importante atu partilha informasaun foun, esperiénsia útil, no buka dalan atu reforsa kolaborasaun iha área saúde ba futuru Timor-Leste.

Durante vizita, delegasaun fó énfase ba importância valorizasaun produtu herbal lokal, ne’ebé bele kontribui ba inovasaun no promotór saúde komunidade.

M2T, hanesan instituisaun lokal, hatudu prontidão atu servisu hamutuk ho Ministério da Saúde. Sira nia objetivu mak atu desenvolve inovasaun iha área saúde, ao mesmo tempo fó valorizasaun ba recursos naturais Timor nian.

Delegasaun no M2T konkorda katak kolaborasaun hanesan dalan ida ne’ebé importante, tanba bele ajuda atu hadia futuru no fo benefísiu boot ba povu Timor-Leste.